القرآن الكريم والسُنَّة النبوية والاعجاز كنز ورسالة لمنهج حياة للعالم الإسلامي اجمع
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

  صنع زبدة الكاكاو للتشققات

اذهب الى الأسفل 
كاتب الموضوعرسالة
Admin
Admin
avatar

المساهمات : 4230
تاريخ التسجيل : 20/01/2018

مُساهمةموضوع: صنع زبدة الكاكاو للتشققات   الثلاثاء مارس 13, 2018 3:09 am

بِسْمِ اللَّهِ الرَّحْمَنِ الرَّحِيمِ
ٱلْسَلآمّ ٍعَلْيّكَمُ وٍرٍحَمُةٌ اللَّــْـْہ ۆبُركَاته









10 طرق لعمل زبدة الكاكاو بنفسك في البيت
كلنا عارفين ان زبدة الكاكاو من الحاجات الهايلة جدا لترطيب الشفايف وعشان نحافظ عليها من التشققات والجفاف وتبقى دايما ناعمة وشكلها حلو, لكن المشكلة ان معظم الانواع اللي موجودة في السوق بيكون فيها مواد كيميائية ومش بتدينا النتيجة اللي احنا عايزينها في الترطيب واحيانا كمان الانواع الرخيصة منها مش بس مش بتعمل نتيجة لكن كمان ممكن تضر الشفايف, عشان كده احنا النهاردة جايبين لكل بنات حوا طرق لعمل زبدة الكاكاو بمكونات طبيعية ورخيصة ومش مكلفة خالص وهتديكي نتيجة احسن بكتير من اللي بتشتريها من السوق.

10 طرق لعمل زبدة الكاكاو:
1- الوصفة الاولى:
المكونات:
– 2 معلقة كبيرة زيت جوز الهند.
– معلقة كبيرة شمع العسل.
– كام نقطة فيتامين E.
– معلقة كبيرة زبدة الشيا “اختياري”.
– كام نقطة من زيت الروز ماري.
– كام نقطة من زيت النعناع.
بالنسبة للزيوت ممكن نختار اي زيوت عطرية غير الروز ماري والنعناع اختاروا اي نوع تفضلوه.

الطريقة:
حطي زيت جوز الهند وشمع العسل في اي طبق ودوبيه على النار في حمام مية وتقلبوهم مع بعض كويس لحد ما يدوبوا خالص وبعدين نضيف عليهم باقي المكونات ونقلبهم كويس لحد ما يمتزجوا مع بعض وبعدين نرفعهم من على النار, نحطهم في اي علبة فاضية عندنا ونسيبها لحد ما تتجمد وممكن نحطها في التلاجة عشان تتجمد اسرع ونستخدمها عادي على الشفايف.

2- الوصفة التانية:
المكونات:
– ¼ كوباية من زيت جوز الهند او زيت اللوز الحلو.
– ¼ كوباية زبدة الشيا.
– ¾ كوباية شمع العسل.
– كام نقطة من اي زيت عطري تفضليه.
لو حابين تعملوا لها لون ممكن تزودوا معلقة صغيرة عصير بنجر او دم غزال هتديكوا لون وردي طبيعي.

الطريقة:
هندوب زيت جوز الهند وزبدة الشيا في حمام مية سخنة لحد ما يدوبوا وبعدين هنضيف عليهم شمع العسل ونقلب وبعدين نحط الزيت العطري واللون ونقلب كل المكونات كويس ونصبها في علبة فاضية ونسيبها تتجمد.

3-  الوصفة التالتة:
المكونات:
– معلقة كبيرة زبدة الشيا.
– معلقة صغيرة عسل نحل.
– معلقة صغيرة زيت لوز حلو.
– معلقة صغيرة زيت زيتون.
– معلقة صغيرة شمع العسل.
– 5 مكعبات شوكولاتة بيضا.
– من 3-4 نقط مستخلص الفانيليا “من عند العطار”.

الطريقة:
هندوب شمع العسل في حمام مية سخنة لحد ما يدوب وبعدين نضيف الشوكولاتة البيضا وندوبها مع الشمع وبعدين نضيف باقي المكونات ونقلب لحد ما المكونات تمتزج كويس مع بعض , ونصبها في علبة ونسيبها لحد ما تتجمد.

4- الوصفة الرابعة:
المكونات:
– 2 معلقة كبيرة زيت جوز الهند.
– 1 معلقة كبيرة عسل نحل.
– 2 معلقة صغيرة شمع العسل.
– ½ معلقة صغيرة من عصير البنجر او دم غزال.
– 10 نقط اي نوع زيت عطري.

الطريقة:
دوبي زيت جوز الهند مع شمع العسل في حمام مية سخنة وضيفي عليهم العسل وقلبيهم مع بعض على نار هادية لحد ما يدوبوا وبعدين نرفعه من على النار ونضيف الزيت العطري وعصير البنجر نقلبهم كويس مع بعض وبعدين نصبهم في علبة ونسيبها تتجمد وبعدين نستخدمها.

5- الوصفة الخامسة:
المكونات:
– 2 معلقة كبيرة زيت جوز الهند.
– 1 معلقة صغيرة شمع العسل.
– 4 نقط من زيت الروزماري.
– 20 نقطة من زيت النعناع.

الطريقة:
هندوب شمع العسل وزيت جوز الهند في حمام مية سخنة وندوبهم وبعدين نضيف الزيوت ونقلبهم كويس ونصبهم في علبة ونحطها في التلاجة تتجمد.

6- الوصفة السادسة:
المكونات:
– 2 معلقة كبيرة زيت جوز الهند.
– معلقة صغيرة شمع العسل.
– كام نقطة من زيت فيتامين E.
– 10 نقط من زيت اللافندر.
– معلقة صغيرة من زيت اللوز الحلو.

الطريقة:
ندوب زيت جوز الهند وشمع العسل في حمام مية سخنة لحد ما يدوبوا ونضيف عليهم باقي المكونات ونقلبهم كويس وبعدين نصبها في علبة ونسيبها تتجمد.

7- الوصفة السابعة:
المكونات:
– 2 معلقة كبيرة زيت جوز الهند.
– 2 معلقة صغيرة شمع العسل.
– 5 نقط زيت فيتامين E.
– 10 نقط من زيت اللافندر.

الطريقة:
هندوب زيت جوز الهند وشمع العسل وبعدين نضيف لهم باقي المكونات ونسيبها تتجمد وبعدين نستخدمها.

8- الوصفة التامنة:
المكونات:
– 1 معلقة كبيرة زبدة الشيا.
– 3 معلقة كبيرة زيت لوز حلو.
– 1 ½ معلقة كبيرة شمع العسل.
– 25 نقطة من زيت البرتقان.

الطريقة:
هندوب زبدة الشيا وشمع العسل في حمام مية سخنة ولما يدوبوا خالص هنضيف لهم باقي المكونات ونقلبهم كويس وبعدين نصبهم في علبة ونسيبهم يتجمدوا.

9- الوصفة التاسعة:
المكونات:
– 3 معلقة كبيرة زيت جوز الهند.
– 3 معلقة كبيرة زبدة الشيا.
– 3 معلقة كبيرة شمع العسل.
لو عايزين لون ممكن تضيفوا عصير البنجر او لو عندك روج سايل ممكن تحطي منه اي لون انتي عايزاه.

الطريقة:
هندوب المكونات كلها مع بعض وبعد ما يدوبوا هنضيف اللون لو اختارتوا تحطو لون وبعدين نصبها في علبة ونسيبها تتجمد.

10- الوصفة العاشرة:
المكونات:
– 1 معلقة كبيرة شمع العسل.
– 1 معلقة كبيرة زيت جوز الهند.
– 1 معلقة كبيرة زبدة الشيا.
– 2 نقطة من زيت النعناع او اي نوع زيت عطري.

الطريقة:
هندوب شمع العسل وزيت جوز الهند وزبدة الشيا في حمام مية ولما يدوبوا هنضيف الزيت العطري ونصبها في علبة ونسيبها تتجمد.
♥️ ♥️ ♥️وَاللَّهُ تَعَالَى أَعْلَىَ وأَعْلَمُ وأَحكَمُ، ورَدُّ العلمِ إليه أَسلمَ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-quran.ahlamontada.com
 
صنع زبدة الكاكاو للتشققات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القرآن الكريم والسُنَّة النبوية والاعجاز :: ♥((اقسام الصحة والتنمية والطب البديل))♥ :: صحة البشرة والقدمين-
انتقل الى: